Chris Brown Dey Always Support for Me – Davido

Afrobeats superstar Davido don open up how he meet American R&B superstar Chris Brown for 2018, and how dat one change him music career for better.

Chris Brown Dey Always Support for Me – Davido

E talk the full gist for one podcast episode with Bagfuel Brigade. According to Davido, everything start with one random FaceTime call wey one of Chris Brown Naija padi make. The guy wey be Davido own guy too just call am from Chris Brown house for Los Angeles.

As Davido pick the call, e begin hear him own music for background. E come ask, “Guy, where you dey?” The guy answer, “I dey Chris Brown house.” Na so e show Davido for camera say Chris dey dance to him song!

“I shock,” Davido talk. “To see person like Chris Brown wey be world star dey dance to my jam? Na dream come true be dat.”

Few months later, Davido travel go America go meet Chris Brown face to face. According to am, from that first time wey dem meet, dem just vibe instantly.

“We just click,” Davido talk. “E no even start with music or fame. E be like normal friendship. Music just follow later.”

Since dat day, dem don run collabo wey scatter charts. Their first jam, “Blow My Mind”, drop for 2019 and e blow everywhere. E even help Davido enter US market well.

Dem come still link again for “Shopping Spree” with Young Thug for 2021. And now, dem don work together again for Davido latest album ‘5ive’.

“Chris don always dey support me,” Davido yarn. “No be just as artist, but as my guy. He open door for me, show me say music na teamwork without ego.”

Now wey Davido still dey climb higher, e talk say dat FaceTime call na proof say sometimes, the smallest thing fit change your whole life.