Music Na My True Calling, Na Why I Leave Digital Marketing – Tems

Tems wey be Grammy winner, don talk about why she leave her digital marketing job for January 2018 to follow her music career.

Music Na My True Calling, Na Why I Leave Digital Marketing – Tems

She talk say na divine direction make she take the decision.

For one interview with Billboard, Tems talk say the job no dey give her the freedom she need, and she believe say music na her true calling. After she wait six months, she release her first single, “Mr Rebel,” and e begin make wave.

She talk say, “I quit my digital marketing job because e reach one point where I no fit take am again. E don dey dawn on me say na now or never. I just dey delay am until I get faith say God go carry me wherever I go.”

“I quit my job for January 2018, I drop ‘Mr Rebel’ six or seven months after I leave my job. Spiritually, I don know say digital marketing no be my path, I need to leave here now. E feel like life or death. E be like say this decision fit make or break my destiny, and I need to make up my mind sharp-sharp. I choose to quit and e work for me.”