I swear, my papa cheap die, na food make am turn Christian – Shank Comics

Popular Naija comedian Adesokan Adedeji Emmanuel, wey people sabi as Shank Comics, don talk how him papa change from Islam to Christianity and e funny no be small.

I swear, my papa cheap die, na food make am turn Christian – Shank Comics

Shank yarn this one during one gist with fan for obodo oyibo. The fan bin think say Shank na Muslim because of him name, but Shank come clear am say him be Christian, even though him Muslim name na Saheed.

As he explain am, Shank talk say him papa dey follow Islam before, but one time hunger nearly finish the man, na so one church give am food chop. From that day, the man turn Christian sharp-sharp.

As Shank take put am with laugh:
“My papa na Muslim before. But one day, hunger nearly wound am. Na one church come give am food, and from there, baba turn Christian. I swear, my papa cheap die!”