Love Sweet No Be Small: Juma Jux Buy Im Wife, Priscilla Ojo New Range Rover

Naija influencer Priscilla Ojo and her Tanzanian bobo, Juma Jux, don use correct gbas gbos end their wedding groove for him country. The sweet part wey scatter everybody be say Juma carry surprise give him wife brand-new Range Rover.

For May 28, 2025, wey be the final day of their marriage celebration, Juma carry Priscy commot for venue, next thing – boom! – brand-new Range Rover, black like raven, ribbon still dey top am. Babe freeze, eyes don red with joy.

Priscy no fit hold herself — she cry small, jump up, dey scream, and thank her husband like hundred times. Love choke!

The video enter internet, go viral sharp-sharp. Social media people no gree rest, praises full everywhere for Juma Jux say him really try.

Check some reactions wey Nigerians drop online:

“You fit see say Juma na real lover boy and Priscy dey give same energy back. God bless dem 🙏🏽”

“Love dey sweet when the guy love you pass the way you love am.”

“See as dem take end wedding with better climax. Dis wedding go enter Naija history books! Congrats Queen Mother and Priscy. God run this one wella. Una don raise standard for single mums!”

“Congrats Priscilla. May your marriage sweet pass wetin Bible talk.”

“People wey dey complain say second wedding too much — una forget say dem be from two different countries? Make Naija enjoy wedding while Tanzanian people no follow? Guy man na celeb o, no be anyhow guy from East Africa.”

“People no dey understand say the second wedding na for husband side. E good make him people too follow chop love na. No be only Naija go dey shout upandan.”

Love don win for here. Juma Jux don show say e no dey play with him woman at at all.