Burna Boy Vex for People Wey No Want Am Perform for Burkina Faso

Burna Boy say e shock as some people dey drop negative talk after e talk say e wan do free show for Burkina Faso. Di Grammy award winner no hold back as e reply people wey dey yab am over him decision to give Burkina Faso people free show.

Burna Boy Vex for People Wey No Want Am Perform for Burkina Faso

For one Instagram story, Burna Boy talk say e no believe di kind bad mouth wey e see, and say nobody get right to tell am wetin e fit do or no fit do for any part of Africa.

E still talk say even though e no dey gain anything from anybody, e still dey do better things and him integrity still stand gidigba.

E talk say:
“I talk say I wan do free show for Burkina Faso and many people happy, but e shock me say some mumu people dey talk rubbish.

1. “Make I talk true, if all you sabi do for dis life na to type nonsense online or dey talk for your cheap ringlight and phone, you no even reach to call my name.”

2. “You wan tell me wetin to do for my own Africa? When nobody for your entire family history don ever do anything better for Africa or even the whole world?”

3. “I no dey collect anything from una, I no owe una anything, but that one no dey stop me from doing the great work wey I dey do. My integrity no dey shake.”

“So if you talk any rubbish about me or the show – go burn for hell.”

Burna Boy talk this one after some people say the free show wey e wan do for Burkina Faso na distraction as the country dey face serious political matter.

For early May, Burna announce say e wan do free concert for Burkina Faso. Di West African country don dey gain international attention since Captain Ibrahim Traoré, one young military leader, take over government by force for 2022.

Traoré don dey do reforms and dey talk strong against foreign wahala, and many young Africans dey hail am as one true leader wey bring change.

Even though e no sure say Burna go still perform for Burkina Faso, e still dey go strong for him 2025 tour. This year, e make history as e fill 80,000-capacity Stade de France for Paris, and also become di first African artist to fill The Coop Arena for Manchester — di biggest indoor arena for England.

Fans still dey wait for him 8th album, “No Sign of Weakness”, wey go drop later this year.