Bella Shmurda Talk Say If E No Be Musician, E For Don Be Preacher

Nigerian Afrobeats singer Bella Shmurda don talk say if e no be musician, e for don be preacher or motivational speaker.

Bella Shmurda Talk Say If No Be Musician, E For Don Be Preacher

The guy wey sing ‘Triumphant’ yan say e sure say preaching na him true purpose.

Shmurda yan this one for recent episode of Afrobeats Intelligence podcast wey Joey Akan host.

E talk say, “Everybody get spirituality, na only to find am be dat. I feel say if I no be artiste, I fit be preacher or motivational speaker. I feel say na my purpose be dat, and I dey try put am inside all my music.

“If I no dey do music, I for don dey do motivational speaking. I quick dey encourage people. I fit reach deep inside people heart. And I feel say na dat be my purpose.

“Na why I dey here. And e suppose show for my music too. No fit remove am from my music.

“I no fit do without am. When I dey write, spirituality gats dey there. Even for my voice, you fit feel am.”