Ayra Starr Don Vex for People Wey Dey Troll Her

Naija music star and award-winning singer, Ayra Starr, don reply people wey dey drag her for social media. Dem talk say she no dey “read the room” before she dey post online, but she don give them hot reply.

Ayra Starr Don Vex for People Wey Dey Troll Her

Ayra no hide her vex as she yarn say some people just dey find every chance to bully and misunderstand her online. According to her, no matter wetin she talk or do, some people go still twist am.

“There’s nothing I can do nor say to people wey dey intentionally wan bully and misunderstand me every time,” she write. “Una don find scapegoat abi? Make una focus on issues wey actually matter and leave me tf alone.”

She talk say all di dragging no make sense, say people just choose to use her as target when better issues dey wey dem suppose face.

This no be the first time Ayra Starr dey call out online bullying. Before now, she don always speak up against how people dey quick judge celebs—especially young women—for everything dem do or talk.

Her latest post don cause wahala for social media again. But this time, many fans don show her support, say she get right to express herself without fear of attack.

Dem dey praise her say she no dey keep quiet, and she dey always stand gidigba when people try pull her down.