Mohbad Papa Say E Pay ₦16M But Still No Know Wetin Kill Im Son

Joseph Aloba, papa of late Naija singer Mohbad, don open up say he pay ₦16 million for second autopsy wey dem do for him pikin body but di result still no show wetin kill am.

Mohbad Papa Say E Pay ₦16M But Still No Know Wetin Kill Im Son

Di emotional confession happen during one TikTok live session wey Aloba do recently. E talk say e no mind di money wey e spend, say na justice for him son be im main focus.

“With all sincerity, I pay di first ₦16 million to di pathologist. After that, I still spend another ₦2 million join,” Aloba yarn. “If di pathologist talk say na lie I dey talk, then make una no believe me again.”

Dis update come one month after independent autopsy by Dr. Uwom Eze no fit confirm di cause of Mohbad death. Di late singer wey full name be Ilerioluwa Oladimeji Aloba, die for September 2023 under suspicious conditions wey make Nigerians begin shout for answers.

Plenty people bin dey talk say na ₦12 million he pay, but Mohbad papa don clear air: “I dey talk am again na ₦16 million I pay.”

In June 2024, one magistrate for Ikorodu, Lagos — T.A. Shotobi  give Aloba permission to do another autopsy with licensed pathologist after di first report no give clear answer.

Mohbad death still dey shake Nigeria entertainment industry and fans never stop to demand justice.

As di matter still dey unfold, many Nigerians dey ask: “Who go finally talk di real truth about wetin kill Mohbad?”