Regina Daniels Cry Out: “Ned Nwoko Dey Arrest My Family Because I Leave Am”

Nollywood actress Regina Daniels don shake social media again as she open up say her husband . Senator Ned Nwoko, don begin harass and arrest her family members after she waka commot from their home. The actress talk say she no fit endure the alleged abuse wey she don dey face for years, so she decide to leave for her peace of mind.

Tears & Trouble: Regina Daniels Opens Up

“I No Fit Endure Again,” Regina Cry Out

Regina talk say the decision to leave no easy, but she gats choose her sanity first. According to her, the situation for house don turn something else, and she no wan pretend again just to please people.

In her words, “I don carry my things go because i choose peace over pain.”

She talk say since she leave, wahala never gree end, as her husband allegedly begin use power to arrest and intimidate her family members wey dey support her decision.

Family Under Pressure

According to reports wey dey circulate online, some of Regina’s close relatives don face police visits and threats from unknown sources. She claim say all na because she refuse to go back to her husband’s house.

Fans don flood her comment section with sympathy and prayers, urging her to stay strong and speak her truth. One fan talk say, “Regina, your life matter pass anything. No let anybody use power break your spirit.”

Ned Nwoko Yet to Respond

As at the time of this report, Senator Ned Nwoko never make any public statement to address the matter. But social media don already catch fire with different opinions as some people dey support Regina while others dey ask for both sides of the story.

“I Just Want Peace,” She Say

Regina end her post with a simple message: “ I just want peace. I go continue to pray for strength and protection for me and my family.”

This story don once again raise questions about what many celebrities dey go through behind closed doors  and how even fame no fit protect anybody from pain.