Super Eagles Refuse to Train Over Unpaid Bonuses Ahead World Cup 2026 Clash

Na serious tension dey now for Super Eagles camp as both players and coaches don refuse to train ahead of their important World Cup 2026 play-off match. Reports show say the team dey vex because their bonuses never still drop, even after plenty promises from football authorities.

The protest begin on Tuesday, and as e be, no single training session hold.

Super Eagles

 Matter Wey Cause Wahala

The bone of contention na the unpaid bonuses wey concern their AFCON 2025 qualification and World Cup 2026 play-offs. Some of the senior players even reveal say dem still never receive payment since 2019.

The team don talk say until their matter clear, dem no go return to the pitch for any serious training.

Match Against Gabon Fit Hang

Nigeria suppose face Gabon on Thursday for the semi-final of the World Cup 2026 play-offs, but this new crisis fit scatter their preparation. Fans dey fear say the wahala fit affect team spirit and performance.

If the issue no settle quick, Super Eagles fit enter the match without proper training, and that one no go funny at all.

Players and Coaches Stand Together

This time around, e no be only players dey para sef even some of the coaching crew join body for the protest. Them say enough don be enough, and the team deserve respect for all their hard work.

Many Nigerians for social media don support the team’s decision, while others beg them to show patriotism and still play while government fix the problem.

All Eyes on NFF

Right now, all eyes dey on the Nigeria Football Federation (NFF) to settle the palava before things go from bad to worse.

Fans dey hope say NFF go clear the unpaid bonuses and restore peace for camp before the Gabon match.

If dem no act fast, Super Eagles fit face serious distraction at a crucial stage of qualification.

 Final Yarn

For now, tension still dey high. The boys say no training until dem see alert. As e be, the fate of Nigeria’s World Cup dream dey hang for small thread.

Na so Nigerians dey ask one question loud:

“How long our players go continue to suffer this kind thing?”