Yanga FM Don Break Record, Turns Listener to Millionaire!

 Yanga FM First caller don cash out 1 million naira

Nigeria’s leading urban-pidgin radio station Yanga 89.9 FM  don set new record . As we become the first radio station for the country to reward one of awa loyal listener with ₦1 million cash . This win happen under the Yanga FM One Million Giveaway Campaign. One new initiative wey the station design to appreciate loyal listeners and make interaction stronger.

How the Lucky Winner Take Emerge

The first caller wey cash out na,  Sabi – Aloysius Emedo Okwunna. Also him  win after he follow all the clues and updates wey the station drop live during The Wetin Dey Show.

Previously  that same morning, popular OAP Wale PowPowPow don already hint listeners say one big giveaway dey come. He advise make everybody listen with full attention.

Sabi – Aloysius as he call himself hear the update, follow am sharply, and when the exact moment land, he dial immediately.
Na so the studio announce:

“Aloysius Emedo Okuwunna ,you don win ₦1 million!”

The man burst joy. He talk say he no expect the blessing and he dey plan to invest the money for small business, even though he never settle on the exact direction.

Oluwakemi Shonubi (Pceo tvc),Aloysius Emedo ,Marvin Arimi (Gm yanga fm)and Wale pow pow pow

A First-of-Its-Kind Live Broadcast Moment

This update  mark a major moment for Yanga 89.9 FM because na the first time since March when the station begin full broadcast wey dem take live phone calls on air.

The energy for studio increase immediately. Listeners shout, react, and celebrate across radio, online platforms, and social media.

Winner Visit Yanga FM Headquarters

After the joyous announcement, Sabi Aloysius come visit the station to meet with:

• Oluwakemi Shonubi, PCEO, TVC

• Marvin Arimi, General Manager, Yanga FM

• Wale PowPowPow, On-Air Personality

Dem congratulate am officially and confirm say the giveaway don complete successfully.

Our Commitment to Listeners

As a station wey dey built on vibrant urban-pidgin culture and community engagement, *Yanga 89.9 FM* remain committed to rewarding loyalty and creating impactful experiences for our audience.

The One Million Giveaway Campaign na just the beginning.
More listener-focused programmes and reward initiatives go follow as we continue to raise the standard for interactive radio broadcasting in Nigeria.

Aloysius’ victory no just change him life but e also show say we for Yanga 89.9 FM dey ready to redefine listener engagement for Nigeria.
The moment prove say opportunity fit hide inside small everyday moments, and people wey dey listen well fit benefit pass anyone.

 we for Yanga FM go continue to serve better, reward loyal listeners, and keep radio lively with the exact energy wey match our name.