First class Graduate ,Village boy and Americana sound -Cheque yarn am full

By :Ezurumem Obinna 

Nigerian music star Cheque waka enter Yanga FM Cruise Express show recently come do wetin the internet need — explanation, clarification, and one educated clapback wey land clean. The visit come after social media don dey buzz with people yarning say him sound too Americanised and too far from the kind of music wey ordinary Nigerian people relate with.  Cheque enter that studio unbothered, educated, and fully loaded with response.

The Criticism Wey Start Everything

Critics don dey circle online, arguing say Cheque music feel disconnected from everyday Nigerian life. Too polished plus Western very far from the streets wey birth real Afrobeats culture. Valid point sha ,except Cheque arrive that radio station with entirely different narrative wey ready to fire.

Cheque Yanga FM interview

Village Background, World Class Exposure

Cheque address the noise directly, clarify say growing up for village never mean say e grow up limited.Parents, been make deliberate and intentional choices. Take ensure say their children get proper education and genuine exposure to different kinds of musical influences from early age.

And to add extra pepper to that point, Cheque reveal say e graduate from university with first class degree. Not second class upper. Not ordinary pass. First class. The man come to argue and arrive with certificate.

Him Papa Like American Music die 

Him come further  point out say him father himself na lover of American music.  All the  sound wey people dey question now was never something e just copy and paste na something e inherit.  Na something him nurture, and eventually refine into the signature wey carry him enter Nigerian music spotlight. Every artist get unique style, e argue. Him own particular style na exactly wetin deliver am to the limelight  and e get absolutely zero plan to abandon am.

Them Press Am On The Music Drought

Naso host Ann Chiewei then switch lane come ask the question wey fans truly want answered . This na why Cheque dey starve him listeners?

Him response dey  calm, calculated, and characteristically cool. Slow and steady, e talk. Quality jams dey surplus and more drops dey come. No rush. No panic. Just patience and premium music dey road.

You fit continue dey vibe with us for more informate.