Faith Ogbah Lost Her Voice. Won Two Crowns.

 How Faith Ogbah Silence Her Pain Come Win Two Pageant

By : Ezurumem Obinna

She cross Atlantic, break record for Texas, come return motherland come collect crown. Faith Ogbah no dey play at all. Yanga FM studio recently receive serious upgrade when Nigerian-American queen Faith Ogbah enter  calm, composed, and carry story wey fit full Netflix series comfortably.

Texas No See Am Coming, But She Ready

Faith born for Lagos but her parents win visa lottery come relocate the whole family go United States. Classic naija hustle, different address.

She no just survive America  she thrash am. She enter Miss Texas pageant come make history, become first woman of color to win that title. Make we let that sink well well. First. Woman. Of Color. For Texas. That one alone deserve standing ovation plus hot jollof rice.

The Silence Wey Nobody Order

But behind all the crown and spotlight, Faith carry heavy secret wey heavy like agbado sack.

As pikin, she experience sexual assault wey  person touch her inappropriately. The kind way wey pikin no suppose dey touched. The trauma no just wound her it silence her. For years, Faith no fit talk, her voice literally disappear because of pain wey she carry alone.

miss Exquisite Nigeria Faith Ogbah

Then turning point come. She open mouth  first to her family, then to strong women for her community wey rally round her with the kind of support wey actually do something. Small small, she begin find her voice again. And when she find am? Nobody fit stop her again.

Naija Call Am, She Answer

With Miss Texas already dey her shelf, most people for don relax. No be  Faith. She pack bag, fly back come motherland, enter Miss Exquisite Nigeria  because why you go get one crown when you fit collect two?

And she win Again.This woman travel from America come back Nigeria come win pageant. The audacity plus grace wey be the  jara.

Wetin Her Win Really Mean

Faith Ogbah no be just fine face with pageant streak. She be proof say your worst chapter no disqualify you from your best chapter but prepare you for am.

Her journey from Lagos-born pikin to double-crowned, barrier-breaking woman of color na the kind of story wey go make you throw your excuses inside dustbin. For her Yanga FM sit-down she make one thing clear  winning Miss Texas no be the finish line. Na the warmup be that.

Make you continue dey listen to us on top 89.9 Yanga fm for more Informate