What Really Happened at AFRIMMA Lagos

AFRIMMA Burst Lagos for Three Solid Days of Enjoyment

Lagos confirm again say e be Africa entertainment headquarters as AFRIMMA Awards take over di city for three full days. Falz the bad guy  as the headline host for the event even make am choke more . From Thursday, January 8, reach Sunday , January 11, music, business, culture, and global attention lock Lagos down.

Wetin AFRIMMA Really Stand For

AFRIMMA mean All Afruca music  Awards. Di award show no be just to give plaque and trophy. Di main aim na to promote African music worldwide, connect African artistes to international market, and give upcoming talents chance to shine.

AFRIMMA dey focus on unity, recognition, and growth. Na platform wey bring Africa and di diaspora together under one sound and one vision.

Business Summit: Where Big Plans Dey Born

Di event open with AFRIMMA Business Summit, where music executives, producers, label owners, and creatives sit down reason industry matters. Dem talk about streaming, copyright, branding, touring, and how African artistes fit earn better money globally. Top music head  come give better business advice from juma jux of tanzania to quing madi of Nigeria to many top executives . More so, di summit help young talents understand di business side of music, no be only fame and hit song.

AFRIMMA LIGHT UP LAGOS

Music Village: Culture, Connection, and Street Vibes

Next na AFRIMMA Music Village, wey act as di cultural heart of di event. Here, artistes and fans dey mix freely. Foreign guests see African creativity first-hand, while upcoming artistes get opportunity showcase dem sound. Di village dey important because e dey break di wall between stars and fans, With ground breaking  performances from the OGs femi kuti , 9ice and Skales still  pushing African culture beyond stage performance.

Awards Night: Celebration of African Excellence

Di main highlight come on Sunday, January 11, during di AFRIMMA Awards Night. The great Eko hotels na where dem  give use give  better colorful awards celebration . Di night full with powerful performances, emotional acceptance speeches, and loud cheers. Some winners shed tears because di recognition mean years of hard work finally pay off. AFRIMMA use di awards night to celebrate African excellence like Rema of Nigeria to Wendy Shay of Ghana as winners . This tell di world say African music no be local again e don go global.

Lagos: The Perfect Host City

Throughout di three days, Lagos full with international visitors, music lovers, and industry players. Hotels choke, traffic increase, and nightlife boom. As usual, Lagos carry di energy well and prove again say na di entertainment hub of Africa.

AFRIMMA 2026 no just be award show. Na movement, na bridge, and na global message and Lagos play di host role perfectly.