Omah Lay Don Tease “Don’t Love Me” As Clarity Of Mind Era Don Start Proper
The Nigerian Afrobeats star Omah Lay don begin warm ground for him next chapter, and the vibe don already get correct emotions. The Grammy-nominated singer just drop teaser for him new song “Don’t Love Me”. This wey be the second single from him highly anticipated sophomore album, Clarity Of Mind.
Na im come follow “Waist,” wey set the mood since November last year. If Waist be intro, Don’t Love Me be the real story.
Rolls-Royce, Popcorn, and Purple Wahala
Omah Lay share one 76-second black-and-white video wey scatter X formally twitter . For the clip, you go see am dey relax for backseat of Rolls-Royce soft life fully loaded as he dey puff cigarette and dey chop popcorn with one mystery babe by him side.
The song, wey Tempoe produce, carry that Omah Lay normal Purple energy plus emotional distance, heartbreak, and luxury lifestyle mix together. Na that sound wey fans don name “Afro-depression.” Sad, sweet, and somehow addictive.
Nigerian Afrobeats star Omah Lay
Clarity Of Mind: Same Pain, New Level
From this teaser, e clear say Omah Lay no dey change lane. With Clarity Of Mind, the singer dey stick to him deep, thoughtful sound wey make fans fall in love .
Love no dey simple. Success no dey cure everything. Not to forget feelings still dey complicated. Na pure Omah Lay formula normal sad boy vibes with premium settings.
X Scatter in Less Than One Hour
As expected, social media no waste time. In less than one hour after the teaser drop for X (formerly Twitter) .The the post don already gather over 5,000 likes and hundreds of comments. Fans dey beg for release date, dey quote lyrics, and dey shout “drop am now” like people wey don miss correct music. For people wey don dey wait for new Omah Lay project, this small snippet na correct fuel.
Even though Omah Lay never talk the exact release date one thing sure be say the guy don enter this era gently but strongly.
