“I Help Am Win BBN, She Dey Dodge Me”

Denrele Spills: “I Help Person Win Big Brother, She Dey Form For Me Till Today”

Denrele Edun the media maverick  don open up on Yanga FM about ungrateful beneficiaries and the  bombshell wey him drop  go make you rethink” During recent sit-down with Yanga FM, our guy yarn am finish about the stress of helping people. Most especially those wey their gratitude get expiry date.

“I love to help people o, but sometimes the thing dey tire person but i go still dey help” he confessed, sounding like someone wey don carry too many people matter for head.

Denrele Edun

When Your Good Turn Become Bad Belle

Na here the gist take another level. Denrele yarn  say him personally help one babe secure her Big Brother slot. We no dey talk small thing o na full package. Moreover, babe no just enter the house o she won the whole thing! Collect the money, collect the fame, collect everything. You go think say gratitude go follow abi?

“She Dey Dodge Me Like Coronavirus”

But as soon as madam collect her crown and cash, na so she begin dey carry shoulder for Denrele. Till this very day, the babe dey form like say she no know who pave her way.

“She nor dey even answer me,” Denrele lamented.

Now, he no mention names directly, but jayceetalks and bybsasa don already dey speculate who the person be . The way him talk, them don sharply sabi say ,the Big Brother win  dey point to one particular ex-housemate wey her name rhyme with “Lambo.”

Acknowledgment No Cost Kobo

Denrele make am clear say he no dey beg for anything grand.  Normal normal this revelation dey shed light on why some celebrities dey form “I no dey help anybody” energy. But him don stand say na the thing wey God put for him body and him go continue to dey help different people because na wetin God put am on earth for.