I No Dey Form Boss, I Still Dey Learn from Young People – ID Cabasa

One of the real OGs for Naija music industry ID Cabasa, don share him secret for staying fresh and relevant even as the sound dey change steady.

ID Cabasa share him secret for staying fresh and relevant even as the sound dey change steady.

For one interview wey he do recently for MaxFM, the music producer and label boss talk say the koko na to always get learning spirit and no dey form say you don arrive.

“I dey always behave like learner,” na wetin Cabasa talk. “I dey ask the younger ones wetin dey trend, wetin dem dey feel. I no dey depend on old glory because wetin work before fit no work now.”

Even though he get plenty experience, Cabasa still talk say that same experience fit turn wahala if person no follow as di world dey change.

“Experience na like comb wey life give you after your hair don fall,” he yan with small laugh. “If you just dey do wetin don work before, you fit miss wetin go work next.”

As the Naija sound dey shift from Afrobeats to Amapiano and more, Cabasa yarn say any artist wey wan last for this game gats dey open to learn new things.

“Sound dey change almost every month,” he talk. “If you no dey learn, you dey grow old creatively.”

He still drop one correct example:
“You fit look rearview mirror to see where you from come, but your eye gats face front so you no go jam.”

With this his talk, ID Cabasa don give better reminder to both young and old musicians say to stay relevant, you gats humble yourself and never stop learning.