Peju Ogunmola Finally break her silence after the death of her pikin.

Veteran Nollywood actress Peju Ogunmola don finally break her silence after months of keeping to herself over the painful loss of her only son. The actress, wey fans know for her calm spirit and motherly roles , don drop her mourning clothes and step back into the world with a fresh spirit of hope.

Nollywood actress Peju Ogunmola and late son 

From Tears to Strength

Since her son waka go meet Baba God some months back.  Peju Ogunmola bin dey off social media and public events. People wey sabi her say she no too dey come out at all ,she no even show face .Na even her close friends talk say the loss shake her to the core. But now, she don gather her mind, saying “My son go want make I dey happy, no be sad.”

Those words touch many hearts online as people hail her courage and strength.

“Life Must Go On,” She Talk

Peju share say, even though the pain still dey her heart, she believe say her son go dey proud of her from heaven if she continue to live with joy and purpose. According to her, life must go on and she wan honor her pikin memory by spreading love and positivity.

in her words “he would want me to be happy not sad”

Fans Show Her Love

Immediately the news break, fans and colleagues for Nollywood flood her comment section with warm messages. People write say they happy to see her strong again and encourage her to keep shining.

One fan talk say, “Mummy Peju, your strength dey inspire us. God go continue to comfort you.”

Moving Forward

Now wey she don step out again, many people believe say this new chapter go bring better days for the actress. As she begin to face the world with renewed faith, Peju Ogunmola don remind everyone say even inside pain, light still fit shine.

Like she talk, “Grief no dey easy, but love dey stronger.”