Baby Diaz Opens Up on Growth, Sound Switch, and Love for Naija

Baby Diaz Opens Up on Growth, Sound Switch, and Love for Naija

Baby Diaz don  open mouth talk him journey as an artiste, and the gist sweet well well. For him latest interview with Yanga FM, the Allonzy crooner break down how him life and sound don evolve over the years, from Uganda to South Africa, and now finding fresh love inside Nigeria.

From Uganda Roots to South Africa Reality

Baby Diaz yarn say e be Ugandan artiste wey grow up for South Africa, but the industry there get him own hard rules. According to am, South Africa no really dey allow young artistes blow sharp sharp, especially if you never get strong backing. He explain say the space dey tough, and most upcoming acts dey struggle to break through, even with talent. As a result, survival for the industry no be beans.

Hip Hop First, Afrobeats Change Everything

Originally, Baby Diaz talk say hip hop na him main sound. Na there him start from, and na there him heart dey. However, things take different turn the moment he decide to experiment with Afrobeat’s.

Baby Diaz the Allonzy crooner

Once he put hand for Afrobeat’s, everything change. The sound open new doors, new audience, and new energy for him career. According to am, Afrobeat’s give him freedom to express himself better and connect with people across borders. Na there the Allonzy movement really take off.

Why Nigeria Feel Like Home

Transitioning to Nigeria come with surprises. Baby Diaz no hide am say Nigeria show am mad love. He describe Nigerians as very welcoming, open-minded, and supportive of new sounds. He also talk say Lagos don give am a special kind of vibe. From the streets to the studio energy, the city make am feel seen and appreciated as an artiste. In him words, Nigeria no just dey listen to music, dem dey feel am.

A New Chapter for Baby Diaz

With Afrobeats now part of him sound and Nigeria embracing him wave, Baby Diaz believe say this na just the beginning. Him journey show say sometimes, one small switch fit change everything.

From Uganda to South Africa, now Lagos ,Baby Diaz story na proof say growth no dey one place. You just need the right sound, the right people, and the courage to evolve.