“Akonuche No Be my Best works lyrically”- Priesst 

By: Ezurumem Obinna 

Fast-rising rapper and Akonuche crooner Priesst  come out yarn everything about how him take come into the limelight and the truth about him viral jam akonuche , and him open up about everything for recent interview with Yanga FM.

 The bombshell be say Priesst confess say Akonuche, the very song wey carry him enter limelight, no even be him hardest work writing-wise. Him don write better and  him know am. Naso  internet no even consult am before e decide.

Priesst Post  Then Go Sleep

This na where the gist sweet well well. Priesst drop the Akonuche snippet only on TikTok. No Instagram. Nothing else. Just TikTok quietly, like someone wey no get any wahala for body.

From there him go sleep like correct person.Him wake up and meet a whole different reality. The snippet don dey run. The sound don dey spread. People don dey jump on am left and right. The thing don take life of him own overnight  and him never even push am yet.

PRIESST

Don Jazzy and Tunde Ednut Seal the Matter

Small time  the co-signs start enter and no be small ones oh. Don Jazzy post Akonuche on his story . Next thing Don Jazzy carry your name go him page, you don enter different level for Nigerian music conversation. And as if that one no reach, Tunde Ednut  everybody’s favorite music and gist carrier sef  post am.

Na that moment Priesst know say e don happen. No more guessing. No more managing expectation. The confirmation arrive  and e arrive loud.

TikTok Na the New A&R

Wetin make Priesst story really touch heart na how unplanned everything was. No paid promo. No big strategy. Just one quiet TikTok upload and the right ears find am at the right time. Clearly na the kind organic win wey every artist dey pray for but nobody fit plan for whiteboard.

This be life because The song wey you underrate fit be the one wey blow your career. Priesst no overthink am  him post, sleep, and let the music do the talking. And e talk loud.

Watch full video :https://youtu.be/AEisvIO1ZQI?si=tqfE4_0VPjnObCwE