Sarah Martins Don Call Out Yul Edochie & Judy Austin And The Figures No Be Joke At All

The actress, philanthropist, and certified internet wahala queen waka enter Yanga FM recently and e was clear say she no come to whisper. She come to talk With full voice ,With names With amounts And with absolutely zero remorse. And two names land heaviest wey be   Yul Edochie and him new wife Judy Austin. The moment those names commot from her mouth, internet grab popcorn and sit down properly.

Yul Edochie Allegedly Dey Owe Am 50k 

Waka with me , understand say Sarah no dey play. According to her, Yul Edochie don carry 50,000 naira wey belong to her dey waka about like say the thing weightless. For man of him calibre, 50k sound like him fall from him pocket which honestly make the whole non-payment thing even more shocking and more annoying.

Judy Austin? She Allegedly Dey Sit On Top One Million Naira 

Na here the story grow legs come start to run marathon. Sarah reveal say her and Judy Austin don agree on a three-month brand deal  Judy go run ads, everything go be signed and professional, two adults doing business like adults.

Except Judy allegedly begin postpone. Push date even  Shift timeline come dey  Reschedule till reschedule tire. The deal never happen. Meanwhile  the one million naira wey Sarah invest to make the whole thing work? That one vanish like fuel subsidy benefit. One million naira Still missing and unaddressed. And Sarah don decide say she don do quiet for this matter.

Actress Sarah Martins

 Gistlover Enter The Matter Come Add Pepper

Normally no Nigerian story complete without extra jara , popular blog Gistlover carry the gist come add another layer  claim say Sarah been buy somebody pikin. The allegation land from nowhere like rain for harmattan.

Sarah herself come out confused. She even make video to address the whole thing. Madam express genuine bewilderment at how fast people dey create narrative especially when person don already dey fight to recover money from big names. The thing scatter her small But she still no shift.

Through All The Drama And Online Noise, One Thing Remain Crystal Clear

Sarah Martins want her money. Both of them. The 50k from Yul and the complete one million from Judy. She enter the deal with good faith, she show up professionally, she do her own part and she dey allege say the other people no reciprocate at all.  If Yul go respond or Judy go address the debt, or which ever way this thing go turn into longer public back and forth Nigeria don already settle down to watch.