Uluoma Rochas-Nwosu: Passion Over Power

Uluoma Rochas-Nwosu: Why This Governor Daughter Comot Mind From Politics Come Face Her Passion!

By :Ezurumem Obinna 

When daughter of former Imo State Governor Rochas Okorocha enter room, expectation dey enter with her. But Uluoma quietly dey rewrite her own story  one interior design at a time. She recently sit down with Yanga FM for What’s Up Naija come serve full plate of truth, grace, and zero pretense. No packaging. No forming. Just real talk.

Politics? She Don See Enough

Make we address the elephant wey dey inside the room  or better still, the governorship wey dey inside the family.

Uluoma no dodge the question when dem ask her about politics. She come straight say she no dey do politics. But she admit say she dey surrounded by am her father run Imo State, and her husband enter 2018 Imo State governorship race come loose.That experience teach her everything she need to know. She explain say politics be say you go dey give give give  especially if you genuine about am, you never stop giving. And honestly? She decide say her own giving go go somewhere else entirely.

The Husband Wey Back Her Dream

After all the political dust settle, Uluoma say her husband no sulk or drag her go another campaign. Instead, he give her something wey worth more.Him full support make she return to her passion wey be  interior decoration.

With proper backing don land, she no just play play with am. She build create come launch KidCity creative space wey currently dey alive and kicking for both Lagos and Abuja.Two cities. One vision. Zero apology

Uluoma Rochas Nwosu for Yangafm

Passion Na Her Own Campaign

Uluoma drop one line for the Yanga FM sit-down wey deserve him own billboard for Lekki-Epe expressway:

“If you get passion for anything, you must succeed for that thing.”

No plenty grammar or motivational packaging. Just woman wey find her thing come go all in. She credit passion as the fuel behind everything she dey do and KidCity na living proof say when purpose meet preparation, something beautiful go build itself.

The Final takeaway

Uluoma Rochas-Nwosu for don easily lean on her last name come dey coast through life. Instead, she choose the harder, more fulfilling road  build something real from ground up with passion as her compass. Politics lose one player. Creative industry gain one powerhouse. And KidCity? Lagos and Abuja don already feel am.